Անցյալ շաբաթավերջին Արեգակի վրա գրանցվել են պլազմայի զանգվածային արտանետումներ, երկուշաբթի օրը հայտնել է Ռուսաստանի գիտությունների ակադեմիայի Տիեզերական հետազոտությունների ինստիտուտի Արեգակնային աստղագիտության լաբորատորիան:
«Կորոնագրաֆները գրանցել են տիեզերք պլազմայի զանգվածային արտանետումներ: Իրադարձությունների աղբյուրները հիմնականում գտնվում են հակառակ կողմում. սրանք նոր արևային բծերի խմբեր են, որոնք դեռ չեն հասել Երկիր և դեռևս կատալոգային համարներ չունեն, իսկ 4436 խումբն անսպասելիորեն վերսկսել է իր գործունեությունը», – ասվում է լաբորատորիայի հայտարարության մեջ:
Գիտնականների կարծիքով՝ «իրադարձությունները իրենց տեղակայման շնորհիվ սպառնալիք չեն ներկայացնում Երկրի համար, սակայն հաստատում են արեգակնային ակտիվության վերականգնումը 2-3 շաբաթվա համեմատական անդորրից հետո»։
Լաբորատորիան նշել է, որ հեռավոր կողմից որոշ խոշոր արևային բծեր տեղափոխվել են դեպի Երկրին ուղղված կողմը, բայց դեռևս ակտիվ չեն։
Գիտնականները հայտնել են, որ Արեգակի՝ Երկրին ուղղված կողմում խոշոր բռնկումների հավանականությունը մնում է 5-10%-ի սահմաններում, ինչը ցածր է ակտիվության ներկայիս վիճակի համար։
