ԵՄ-ն պետք է ազատվի իր թերարժեքության բարդույթից և մեծացնի ռազմական արտադրությունը, եթե Դոնալդ Թրամփը հաղթի ԱՄՆ նախագահական ընտրություններում, հայտարարել է Ֆրանսիայի արտգործնախարար Ժան-Նոել Բարոն։
«Եվրոպան պետք է հաղթահարի իր թերարժեքության բարդույթը, արթնանա և ուժեղանա: Սա պարզ գաղափար է, որը Ֆրանսիան առաջ է քաշում արդեն 7 տարի, և այժմ եկել է ժամանակը դա կյանքի կոչելու»,- պատասխանել է Բարրոն France 2 հեռուստաընկերության եթերում, երբ նրան հարցրել են, թե արդյոք վախենում է ԵՄ պաշտպանության և ռազմական աջակցության կրճատումից, եթե Թրամփը հաղթի:
Նրա խոսքով՝ Ֆրանսիան պատրաստ է աշխատել ԱՄՆ-ի ցանկացած նախագահի հետ։
«Մենք աշխատելու ենք այն նախագահի հետ, ում կընտրեն ամերիկացիները: 2017-2020 թվականներին մենք աշխատել ենք Թրամփի վարչակազմի հետ և պատրաստ ենք աշխատել նրա նոր վարչակազմի հետ»,- ասել է նախարարը։
