ԱՄՆ-ի և Իսրայելի գործողությունները Հորմուզի նեղուցում հանգեցրել են նավագնացության ճգնաժամի, հայտարարել է Իրանի արտաքին գործերի նախարար Աբբաս Արաղչին ՄԱԿ-ի գլխավոր քարտուղար Անտոնիո Գուտերեշի հետ հեռախոսազրույցի ժամանակ։
«Հորմուզի նեղուցում տիրող իրավիճակը չի կարող դիտարկվել առանց տարածաշրջանում տիրող ընդհանուր իրավիճակը հաշվի առնելու, քանի որ Հորմուզի նեղուցում նավարկության խափանումը ԱՄՆ-ի և սիոնիստական ռեժիմի (Իսրայել) կողմից սանձազերծված պատերազմի արդյունք էր։
Խաղաղությամբ և անվտանգությամբ մտահոգված յուրաքանչյուր երկիր կամ միջազգային կազմակերպություն պետք է պատասխանատու կերպով և անսասանորեն դատապարտի այս երկու ռեժիմների հանցագործությունները և պահանջի դադարեցնել նրանց ռազմական ագրեսիան Իրանի ժողովրդի դեմ», - ասվում է Արաղչիի Telegram ալիքում տեղադրված հայտարարության մեջ։
