Կյանքի 103-րդ տարում մահացել է Հայրենական մեծ պատերազմի վետերան, «չորս մայրցամաքների հետախույզ», ՀՀ պատերազմի և զինված ուժերի վետերանների կոմիտեի նախագահ, գնդապետ Պետրոս Պետրոսյանը։
ՀՀ-ում ՌԴ դեսպանությունը ցավակացական հեռագիր է ուղղել այս կապակցությամբ․
«Կյանքից հեռացել է հայ ժողովրդի փառապանծ զավակ, Հայրենական մեծ պատերազմի վետերան, լեգենդար ճակատագրի մարդ՝ չորս մայրցամաքների հետախույզ Պետրոս Պետրոսյանը։
Նրա կյանքը մի ամբողջ ժողովրդի հերոսական պատմության անքակտելի մասն է, որը մենք պարտավոր ենք հիշել և փոխանցել հաջորդ սերունդներին:
Մեր անկեղծ ցավակցությունն ենք հայտնում հարազատներին և մտերիմներին»,- նշվում է հաղորդագրության մեջ:
