Հայտնի բրիտանացի հեռուստահաղորդավար և լրագրող Պիրս Մորգանը ընկել է և հոսպիտալացվել ազդրի կոտրվածքով։ Նա հոսպիտալացման մասին հայտարարել է Ինստագրամի իր էջում։
Մորգանը հրապարակել է հիվանդանոցային մահճակալին պառկած իր լուսանկարը՝ ազդրի կոտրվածքը ցույց տվող ռենտգենյան լուսանկարի հետ միասին։ Հաղորդավարը բացատրել է, որ վնասվածքը ստացել է Լոնդոնի ռեստորաններից մեկի աստիճանի վրա սայթաքելու արդյունքում։
«Ընկել եմ կարտոֆիլի պարկի պես։ Կոտրել եմ ազդրս։ Այնքան վատ, որ նոր ազդր է պետք», - գրել է լրագրողը՝ հավելելով, որ վեց շաբաթ ստիպված կլինի օգտագործել հենակներ։ Ավելին, Մորգանն ասել է, որ բժիշկները նրան արգելել են երկարատև թռիչքներ կատարել մինչև 12 շաբաթ։
