Վլադիմիր Զելենսկու «Կադիրովին առևանգելու» կոչը հաստատում է խաղաղության գործընթացը խափանելու փորձերը և նվաստացուցիչ է հենց Զելենսկու համար, իր թելեգրամյան ալիքում հայտարարել է Չեչնիայի առաջնորդ Ռամզան Կադիրովը։
Կադիրովը Զելենսկիին անվանել է ծաղրածու և նշել, որ ինքը չի սպառնացել առևանգել նրան, և «նույնիսկ թույլ չի տվել իրեն նման բան մտածել»։
«Զելենսկին վախկոտորեն ակնարկել է, որ դեմ չէր լինի մի կողմ կանգնել և անվտանգ հեռավորությունից դիտել, թե ինչպես է ինչ-որ մեկը պատժում իրեն նեղացնողին՝ հաղթանդամ տղամարդ Ռամզան Կադիրովին», - գրել է չեչեն առաջնորդը։
Նա կոչ է արել Ուկրաինայի նախագահին «գոնե փորձել տղամարդ լինել» և «փրկել իր դեմքը և չնվաստանալ»։
«Եթե քո մեջ տղամարդկության մի կաթիլ լիներ, կհասկանայիր, թե որքան նվաստացուցիչ է հնչում քո խոսքերն ու խնդրանքները»։ «Եվ որքան հստակ են դրանք հաստատում խաղաղության կարգավորումը խափանելու քո փորձերը։ Թույլ տուր հիշեցնել քեզ, Զելյա. թշնամին կարող է մտնել մեր հանրապետություն, բայց չի կարողանա դուրս գալ։ Ինքդ ռիսկի կդմիմե՞ս, ժամկետանց», - եզրափակել է Կադիրովը։
