Ֆիլիպինները կոչ են արել Միացյալ Նահանգներին պահպանել միջազգային իրավունքը՝ կանխելու հակամարտության սրումը և վերականգնելու Վենեսուելայում խաղաղությունն ու կարգուկանոնը։ Այս մասին ասվում է Ֆիլիպինների արտաքին գործերի նախարարության հայտարարության մեջ՝ Վենեսուելայում ԱՄՆ ռազմական գործողության և նախագահ Նիկոլաս Մադուրոյի գերեվարման վերաբերյալ։
«Ֆիլիպինները մտահոգությամբ հետևում են Վենեսուելայում տեղի ունեցող զարգացումներին և դրանց ազդեցությանը տարածաշրջանում խաղաղության և կայունության, ինչպես նաև կանոնների վրա հիմնված միջազգային կարգի համար»։
Հաշվի առնելով Միացյալ Նահանգների անվտանգության հիմնական մտահոգությունները, Ֆիլիպինները ուշադրություն են հրավիրում միջազգային իրավունքի համապատասխան սկզբունքների վրա, ներառյալ պետությունների անկախությունն ու ինքնիշխան հավասարությունը, վեճերի խաղաղ կարգավորումը, ուժի սպառնալիքի կամ ուժի կիրառման արգելքը և ինքնիշխան պետությունների ներքին գործերին չմիջամտելը։
