ԱՄՆ-ն պետք է անհապաղ ազատ արձակի Վենեսուելայի նախագահ Նիկոլաս Մադուրոյին և նրա կնոջը՝ Սիլիա Ֆլորեսին, որոնք, ինչպես հայտարարել է ԱՄՆ նախագահ Դոնալդ Թրամփը, առևանգվել և դուրս են բերվել երկրից, ասվում է Չինաստանի արտաքին գործերի նախարարության հայտարարության մեջ։
«Չինաստանը կոչ է անում Միացյալ Նահանգներին ապահովել նախագահ Մադուրոյի և նրա կնոջ անձնական անվտանգությունը, անհապաղ ազատ արձակել նախագահ Մադուրոյին և նրա կնոջը, դադարեցնել Վենեսուելայի քաղաքական իշխանությունը խաթարելու փորձերը և լուծել խնդիրները երկխոսության և բանակցությունների միջոցով», - ասվում է Չինաստանի արտաքին գործերի նախարարության հայտարարության մեջ։
Չինաստանի արտաքին գործերի նախարարությունը շեշտել է իր մտահոգությունը Վենեսուելայի նախագահի և նրա կնոջ ԱՄՆ-ի կողմից առևանգման վերաբերյալ։ Նախարարությունը նշել է, որ ԱՄՆ գործողությունները խախտում են միջազգային իրավունքը և միջազգային հարաբերությունների հիմնարար նորմերը, ինչպես նաև հակասում են ՄԱԿ-ի կանոնադրության նպատակներին և սկզբունքներին։
