ԱՄՆ-ում Սուրբ Ծննդյան օրը տեղի ունեցած կրակոցների հետևանքով զոհվել է տասնչորս մարդ, վիրավորվել՝ 52-ը, հայտնում է «ՌԻԱ Նովոստի»-ն։
Ըստ լրատվամիջոցների հաղորդագրությունների և համապատասխան վիճակագրություն վարող ՀԿ-ների՝ դեկտեմբերի 25-ին Միացյալ Նահանգներում հրազենի կիրառման հետ կապված միջադեպերի հետևանքով զոհվել է 14 և վիրավորվել 52 մարդ։
Մասնավորապես, Սուրբ Ծննդյան առավոտյան Օհայո նահանգի փողոցներից մեկի խաչմերուկում մի տղամարդ կրակել և վիրավորել է մի կնոջ և երկու դեռահասների: Լրատվամիջոցների հաղորդագրությունների համաձայն, նրան արդեն մեղադրանք էր առաջադրվել ընտանեկան բռնության համար:
Դեկտեմբերի 25-ի կեսօրին Կալիֆոռնիայի Լանկաստեր քաղաքում տեղի ունեցած կրակոցների հետևանքով մեկ դեռահաս զոհվել է, չորսը՝ վիրավորվել, որոնցից երեքը
անչափահասներ։
Սուրբ Ծննդյան նախօրեին՝ դեկտեմբերի 24-ին, Միացյալ Նահանգներում, բաց տվյալների համաձայն, կրակոցների հետևանքով զոհվել է 30 մարդ, իսկ 42-ը՝ վիրավորվել։
