Հակամարտության կարգավորման ծրագրի մնացած 10%-ի շուրջ համաձայնության գալու համար անհրաժեշտ է հանդիպում Ուկրաինայի նախագահ Վլադիմիր Զելենսկու և նրա ամերիկացի գործընկեր Դոնալդ Թրամփի միջև։ Ուկրաինայի առաջնորդը այս մասին հայտարարել է ճեպազրույցի ժամանակ։
Պետության ղեկավարի խոսքով՝ ծրագրի մնացած կետերը վերաբերում են անվտանգության երաշխիքներին, տարածքներին և Ուկրաինայի վերակառուցմանը։ Ավելին, ծրագրի 90%-ն արդեն համաձայնեցված է պատվիրակությունների մակարդակով, նշել է նախագահը։
«Սա հեշտ չէ, և ոչ ոք չի ասում, որ մենք անմիջապես կհասնենք 100%-ին։ Այնուամենայնիվ, մենք պետք է ցանկալի արդյունքին մոտենանք յուրաքանչյուր հանդիպման, յուրաքանչյուր զրույցի միջոցով», - ասել է Զելենսկին։
Մի քանի ժամ առաջ Զելենսկին հայտարարել էր Թրամփի հետ նախատեսված հանդիպման մասին՝ նշելով, որ հակամարտության կարգավորման գործընթացում «շատ բան կարելի է որոշել մինչև Նոր տարի»։ Ուկրաինական լրատվամիջոցների փոխանցմամբ՝ հանդիպումը կարող է տեղի ունենալ դեկտեմբերի 28-ին Թրամփի՝ Ֆլորիդայում գտնվող Մար-ա-Լագո նստավայրում։
