Արևմուտքի երկրներն օգտագործում են պատժամիջոցները իրենց կորցրած գլոբալ ազդեցությունը պահպանելու համար։ Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան, փոխանցում է Lenta-ն։
«Միակողմանի հարկադրանքի միջոցները ծառայում են որպես հավաքական Արևմուտքի նեոգաղութատիրական քաղաքականության գլխավոր գործիքներից մեկը։ Նրա նպատակն ակնհայտ է՝ պահպանել խուսափողական գերիշխանությունը, համաշխարհային մեծամասնության երկրներին զրկել ինքնուրույն քաղաքական ընտրության իրավունքից, դանդաղեցնել նրանց տնտեսական, տեխնոլոգիական և արդյունաբերական զարգացումը», - հայտնել է ներկայացուցիչը։
Դիվանագետն ընդգծել է, որ նման միջոցները որպես «վեճերի խաղաղ լուծում» ներկայացնելու փորձերը քննադատության չեն դիմանում: Նա նշել է, որ պատժամիջոցները վնասում են հարավի և արևելքի երկրների սոցիալ-տնտեսական զարգացմանը՝ հատկապես ազդելով բնակչության առավել խոցելի շերտերի վրա, և խանգարում են աշխարհում ճգնաժամային իրավիճակների կարգավորմանը:
