«Ռայո Վալյեկանոյի» հարձակվող Խորխե դե Ֆրուտոսը հրավիրվել է Իսպանիայի ազգային հավաքական, հայտնում է ԻԱՖՖ պաշտոնական կայքը։
28-ամյա եզրային հարձակվողը հավաքականի հայտացուցակում փոխարինել է «Բարսելոնայի» ֆուտբոլիստ Լամին Յամալին։ Դե Ֆրուտոսը հավաքականում մասնակցել է մեկ հանդիպման։
Եվրոպայի գործող չեմպիոնն աշխարհի 2026թ. առաջնության եվրոպական գոտու ընտրական մրցաշարի E խմբում նոյեմբերի 15-ին Թբիլիսիում կմրցի Վրաստանի ընտրանու դեմ, իսկ նոյեմբերի 18-ին Սևիլիայում կընդունի Թուրքիայի թիմին։
Լուիս դե լա Ֆուենտեի թիմը 12 միավորով խմբի առաջատարն է։
