Ուկրաինայում հակամարտության կարգավորման հնարավորությունը կլինի հիմնական թեման Հունգարիայի վարչապետ Վիկտոր Օրբանի և ԱՄՆ նախագահ Դոնալդ Թրամփի միջև նոյեմբերի 7-ին Վաշինգտոնում կայանալիք հանդիպման ժամանակ։ Այս մասին հայտարարել է Հունգարիայի արտաքին գործերի նախարար Պետեր Սիյարտոն՝ կապված Օրբանի առաջիկա արտասահմանյան այցի հետ։
«Ուկրաինայում խաղաղության հաստատումը կլինի օրակարգի կարևոր կետ», - Բուդապեշտում մամուլի ասուլիսում ասել է արտգործնախարարը։
Նա հավելել է, որ Օրբանին Թրամփը կընդունի Սպիտակ տանը։Սիյարտոն նաև հույս է հայտնել, որ Մոսկվան և Վաշինգտոնը, ի վերջո, կկարողանան համաձայնության գալ ուկրաինական հակամարտության կարգավորման հարցում։«Մենք հույս ունենք, որ Միացյալ Նահանգների և Ռուսաստանի նախագահները կհասնեն համաձայնության, որը կվերադարձնի խաղաղությունը Կենտրոնական Եվրոպա», - հայտարարել է նախարարը։
