ԵՄ բյուջետային ծախսերը ռազմական շարժունակության նախագծերի վրա տասնապատիկ կավելանան՝ հասնելով 17 միլիարդ եվրոյի ԵՄ հաջորդ յոթամյա բյուջետային ծրագրում՝ 2028-ից 2034 թվականներին: Այս մասին Բրյուսելում կայացած ճեպազրույցի ժամանակ հայտարարեց կայուն տրանսպորտի և զբոսաշրջության հարցերով եվրահանձնակատար Ապոստոլոս Ցիցիկոստասը:
«ԵՄ նոր յոթամյա բյուջետային շրջանակներում (2028-2034 թվականների բազմամյա ֆինանսական ֆինանսավորում – ՏԱՍՍ-ի նշում) ռազմական շարժունակության նախագծերի բյուջեն կաճի տասնապատիկ. մենք ռազմական շարժունակության և ենթակառուցվածքների համար կհատկացնենք 17 միլիարդ եվրո», - ասել է նա։
Եվրահանձնակատարը շեշտել է, որ ԵՄ ներկայիս յոթամյա բյուջետային ծրագրով (2021-2027) ռազմական շարժունակության նախագծերի համար հատկացված 1.7 միլիարդ եվրոն «ծախսվել է երեք տարվա ընթացքում, քանի որ ԵՄ երկրները մեծ հետաքրքրություն են ցուցաբերել այս ոլորտում իրականացվող նախագծերի նկատմամբ»։
