Սուդանի բանակը մերժել է ԱՄՆ-ի կողմից հրադադարի առաջարկը և հայտարարել է ժողովրդական մոբիլիզացիայի մասին՝ երկրի արևմտյան մասում վերահսկողությունը ստանձնած «Արագ միջամտության ուժեր» (RIF) շարժման զինյալների դեմ պայքարելու համար, հաղորդում է Bloomberg-ը։
«Խորհուրդը որոշել է մոբիլիզացնել Սուդանի ժողովրդին՝ զինված ուժերին աջակցելու համար ապստամբ աշխարհազորայինների վերացման գործում՝ որպես պետության կողմից այս ապստամբությունը ճնշելու ընդհանուր մոբիլիզացիայի և ջանքերի մի մաս», - գործակալությունը մեջբերում է Գերիշխան Խորհրդի (ժամանակավոր կառավարող մարմնի) խոսքերը։
Bloomberg-ի փոխանցմամբ՝ հոկտեմբերի 30-ին Սուդանի բանակի հրամանատար Աբդել Ֆաթթահ ալ-Բուրհանը որոշել է մերժել ԱՄՆ առաջարկը Անցումային ռազմական խորհրդի արտակարգ նիստից հետո։
Ավելի վաղ Bloomberg-ը, հղում անելով աղբյուրներին, հայտնել էր, որ Սուդանի բանակը քննարկում է ԱՄՆ առաջարկը՝ միջնորդելու հակամարտող կողմերի միջև համաձայնության գալուն: Գործակալությունը նշել է, որ Եգիպտոսը Սուդանի զինվորականներին ճնշում է գործադրում խաղաղություն հաստատելու ուղղությամբ: Ծրագրի մանրամասները չեն բացահայտվել:
