Բելառուսի նախագահ Ալեքսանդր Լուկաշենկոն Հնդկաստանի վարչապետ Նարենդրա Մոդիին հրավիրել է այցելել Բելառուս։
«Մենք ուրախ կլինենք ողջունել վարչապետ Մոդիին Բելառուսում: Մենք միշտ պատրաստ ենք ընդունել նրան և անհամբեր սպասում ենք նրա այցին Բելառուս: Ինչպես նաև բոլոր բելառուս ժողովուրդը: Վստահ եմ, որ բելառուս ժողովուրդը կցանկանար այստեղ տեսնել վարչապետի, ով բարձրակարգ փորձառու, գիտակ և ազդեցիկ անձնավորություն է», - ասել է Բելառուսի ղեկավարը Հնդկաստանի դեսպան Աշոկ Կումարի հետ հանդիպման ժամանակ:
Պետության ղեկավարը նշել է, որ անձամբ ինքը շատ ջերմ և սրտանց հարաբերություններ է զարգացրել Հնդկաստանի վարչապետի հետ։
«Մենք պարբերաբար շփվում ենք նրա հետ միջազգային հարթակներում, ինչպես վերջերս եղավ Չինաստանում՝ Շանհայի համագործակցության կազմակերպության նիստերի ժամանակ», - Լուկաշենկոյի խոսքերն է մեջբերել նախագահի մամուլի ծառայությունը։
Նա նաև ընդգծել է, որ Մինսկը պատրաստ է անել անհրաժեշտ ամեն ինչ՝ Հնդկաստանի BRICS նախագահության հաջողությունն ապահովելու համար 2026 թվականին։
«Մենք պատրաստ ենք համագործակցել ձեզ հետ ձեր BRICS նախագահության ներքո և պատրաստ ենք անել անհրաժեշտ ամեն ինչ՝ ձեր նախագահության հաջողությունն ապահովելու համար»,-նշել է նախագահը։
