ՄԱԿ-ում ԱՄՆ մշտական ներկայացուցիչ Մայք Վալցը Breitbart-ին տված հարցազրույցում մեղադրել է ՄԱԿ-ի խաղաղապահ առաքելություններին իրենց մանդատները չկատարելու մեջ։
«ՄԱԿ-ի խաղաղապահները ցրված են ամբողջ աշխարհում, այդ խաղաղապահ առաքելություններից մի քանիսը այնտեղ են արդեն 30, 40, 50 տարի։ Ակնհայտ է, որ նրանք չեն կատարում իրենց աշխատանքը»,-ասել է Վալցը։Ինչպես նշել է ամերիկացի դիվանագետը, ՄԱԿ-ի գլխավոր քարտուղար Անտոնիո Գուտերեշը համաձայնել է ամբողջ աշխարհում խաղաղապահ առաքելությունները կրճատել 25%-ով։
Նրա խոսքով՝ ԱՄՆ նպատակն այս հարցում ՄԱԿ-ը վերադարձնելն է իր հիմնական առաքելությանը, որը Վալցը բնութագրել է որպես նոր համաշխարհային պատերազմի կանխարգելում և ամբողջ աշխարհում խաղաղության ամրապնդում։
