Իսրայելի Քնեսեթի ազգային անվտանգության կոմիտեն առաջին ընթերցմամբ հաստատել է ահաբեկիչների համար մահապատիժ սահմանող օրինագիծը, հաղորդում է խորհրդարանի մամուլի ծառայությունը։
Քնեսեթը, նախնական ընթերցմամբ, հաստատել է օրինագիծը 2023 թվականի մարտի 1-ին:Օրինագիծը ներկայացրել է կառավարական կոալիցիայի մաս կազմող ծայրահեղ աջակողմյան «Հրեական ուժ» կուսակցության անդամ Լիմոր Սոն Հար-Մելեխը։
Ինչպես գրում է The Jerusalem Post-ը, փաստաթուղթը նախատեսում է մահապատիժ նրանց համար, ովքեր «Իսրայելի քաղաքացի հանդիսացող անձին կհանգեցնեն մահվան, երբ այդ արարքը կատարվի ռասիստական դրդապատճառներով կամ բնակչության որոշակի խմբի նկատմամբ ատելությամբ»։
Ինչպես հաղորդում է The Times of Israel-ը, Քնեսեթը կարող է ահաբեկիչների համար մահապատժի մասին օրինագիծը առաջին ընթերցմամբ քննարկել արդեն նոյեմբերի 5-ին։
