Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան, Իսլամական համագործակցության կազմակերպության (ԻՀԿ) հովանու ներքո, մեկնարկում է Սիրիային և նրա պետական ինստիտուտներին աջակցելու ծրագիր։
«Մեր գլխավոր առաջնահերթությունը մեր հարևան Սիրիայի վերականգնումն է և նրա արագ վերադարձը նախկին վիճակին։ Այդ նպատակով մենք այսօր մեկնարկում ենք Սիրիայի համար հատուկ աջակցության ծրագիր՝ ԻՀԿ-ի տնտեսական և առևտրային համագործակցության մշտական կոմիտեի հովանու ներքո։
Այս ծրագիրը կօգնի ամրապնդել մարդկային և ինստիտուցիոնալ կարողությունները և հնարավորություն կտա մեզ աջակցություն ցուցաբերել Սիրիային այնպիսի ոլորտներում, ինչպիսիք են կրթությունը, փորձագետների ռոտացիան, կարիքների գնահատումը և իրագործելիության ուսումնասիրությունները։
«Ես վստահ եմ, որ ԻՀԿ անդամ երկրները անգնահատելի ներդրում կունենան ծրագրի իրականացման գործում», - ասել է Էրդողանը՝ ելույթ ունենալով Ստամբուլում ԻՀԿ կոմիտեի նիստում։
