Ուկրաինայի նախագահ Վոլոդիմիր Զելենսկին երկրում ռազմական դրությունը երկարաձգել է 90 օրով։ Այս մասին Գերագույն ռադան հայտարարել է իր Telegram ալիքում։
«Ուկրաինայի նախագահ Վլադիմիր Զելենսկին ստորագրել է օրենքներ, որոնք երկարաձգում են ռազմական դրությունը և ընդհանուր զորահավաքը 90 օրով՝ սկսած 2025 թվականի նոյեմբերի 5-ից»,- ասվում է հայտարարության մեջ։ Պետության ղեկավարի կողմից ստորագրված փաստաթղթերի համաձայն՝ ռազմական դրությունը և ընդհանուր զորահավաքը ուժի մեջ կմնան մինչև 2026 թվականի փետրվարի 3-ը։
Ուկրաինայի նախագահը համապատասխան օրինագիծը Գերագույն ռադային է ներկայացրել հոկտեմբերի 20-ին։ Ռազմական դրությունը նախկինում երկարաձգվել էր հուլիսի 25-ին։
Ավելի վաղ հայտարարվել էր , որ հոկտեմբերի վերջին կիրակի օրը նախատեսված տեղական ինքնակառավարման մարմինների ընտրությունները չեղյալ են հայտարարվել Ուկրաինայում ռազմական դրության պատճառով։
