Ֆրանսիայի արդարադատության նախարար Ժերալ Դարմանենը այցելել է Փարիզի Սանտե բանտ, որտեղ հանդիպել է Ֆրանսիայի նախկին նախագահ Նիկոլա Սարկոզիի հետ, ով պատիժ է կրում նախընտրական քարոզարշավի ֆինանսավորման համար, հաղորդում է Le Figaro-ն։
Նրանց հանդիպումը տեղի է ունեցել չորեքշաբթի երեկոյան՝ բանտի պետի ներկայությամբ, և տևել է մոտ 45 րոպե։ Հիմնական թեմաներից մեկը նախկին նախագահի անվտանգության ապահովման միջոցառումներն էին։ Դարմանենը նաև մոտ մեկ ժամ զրուցել է բանտի անձնակազմի հետ։
Ավելի վաղ «Անհնազանդ Ֆրանսիա» կուսակցության պատգամավորներ Հյուգո Բերնալիսիսը և Դանիել Օբոնոն այցելել էին բանտ՝ Սարկոզիի նկատմամբ ենթադրյալ «հատուկ վերաբերմունքը» հետաքննելու համար։
Ըստ Europe 1 ռադիոյի, պատգամավորներն օգտվել են իրենց խորհրդարանական իրավունքից՝ այցելելու կալանավայրեր՝ առանց նախազգուշացման և ցանկացած ժամանակ։ Դրան չնայած, բանտի վարչակազմը կտրականապես հրաժարվել է նրանց մուտք գործել Սարկոզիի խուց։
70-ամյա Ֆրանսիայի նախկին նախագահը, որը պաշտոնավարել է 2007-ից 2012 թվականներին, սեպտեմբերի 25-ին մեղավոր է ճանաչվել Լիբիայի քարոզարշավի ֆինանսավորման գործով հանցավոր խմբի հետ համագործակցության մեջ, սակայն արդարացվել է պետական միջոցների հափշտակությունը թաքցնելու և պասիվ կոռուպցիայի մեղադրանքներով։
