Իսրայելի ռազմական ինքնաթիռները ավիահարվածներ են հասցրել հարավային Լիբանանի Մահմուդիա և Ջորմոկ շրջաններին, հաղորդում է Լիբանանի ազգային լրատվական գործակալությունը (NNA):
«Թշնամու օդային հարվածներ են հասցվում Մահմուդիայի և Ջորմուկի վրա՝ Այշիա գյուղի մոտակայքում», - գրում է գործակալությունը։
Հինգշաբթի գիշերը ավելի վաղ իսրայելական բանակը հարձակում էր իրականացրել հարավային Լիբանանի խորքում: Հատուկ ստորաբաժանումը սահմանից մեկ կիլոմետր առաջխաղացումով հարձակվել էր Բլիդայի քաղաքապետարանի շենքի վրա՝ սպանելով վարչական աշխատակցի: Լիբանանի վարչապետ Նավաֆ Սալամը այս գործողությունները անվանել է երկրի ինքնիշխանության կոպիտ խախտում:
Լիբանանի իշխանությունները բազմիցս նշել են, որ Իսրայելը շարունակում է համակարգված կերպով խախտել հանրապետության ինքնիշխանությունը՝ չնայած հրադադարի մասին համաձայնագրին։
