Վերջին տարիներին Միացյալ Նահանգները չափազանց շատ ներգաղթյալների է ընդունել՝ թե՛ անօրինական, թե՛ օրինական։ Այս թիվը պետք է կրճատել, ասել է ԱՄՆ փոխնախագահ Ջ.Դ. Վենսը։
«Անկեղծ ասած, կարծում եմ՝ մենք թույլ ենք տվել՝ մասամբ Բայդենի ներգաղթային ներխուժման, մասամբ վատ ներգաղթային քաղաքականության պատճառով՝ չափազանց շատ ներգաղթյալների մուտք գործել Միացյալ Նահանգներ»,-ասել է նա՝ ելույթ ունենալով Միսիսիպիի համալսարանում։
«Օրինական ներգաղթի հարցը բարդ է։ Մենք ամեն տարի մոտ մեկ միլիոն օրինական ներգաղթյալ ենք ընդունում Միացյալ Նահանգներ։ Կարծում եմ՝ բավականին պարզ է, որ այս ներգաղթյալները ամերիկացի քաղաքացիների աշխատավարձի անկման պատճառ են դառնում», – հավելել է նա։Վենսը նշել է, որ որոշ միգրանտներ կարող են օգտակար լինել Միացյալ Նահանգների համար։
