«Իշխանություններն ի՞նչ տեղեկություններ ունեն Կաթողիկոսի եղբոր ԿԳԲ–ի գորածակալ լինելու վերաբերյալ»,– նման հարց լրագրողն ուղղեց Ալեն Սիմոնյանին, ինչին նա պատասխանեց․
«Նման հրապարակում կա, բացեք, կարդացեք։ Իրավական գործընթացները որոշում է կոնկրետ մարմինը՝ ըստ հրապարակման։ Իսկ եթե հրապարակմանն արձագանք, հերքում չի լինում, ցանկացած քաղաքական գործիչ կարող է հղում անել, ասել՝ իմիջիայլոց սենց հրապարակում կա»։
Խոսելով Եզրաս Սրբազանի հետ իր առաջին հանդիպման մասին՝ ԱԺ նախագահը նշեց․ «Առաջին անգամ, երբ մեկնել էի Մոսկվա, էդ ժամանակ փոխնախագահ էի, «Ավրորա Մարիոթ» հյուրանոցում զանգեցին, ասացին՝ եկել է, ուզում է Ձեզ տեսնի։ Իջա ներքև, մոտեցավ, ասաց՝ բարև Ձեզ, մի հատ էս թուղթը կստորագրե՞ք։ Ասացի՝ էս ի՞նչ ա։ Նայեմ՝ ռուսերեն լեզվով իմ անունից գրված դիմում է՝ իմ գործընկեր Վորոբյովին՝ ինչ–որ հողհատկացման համար։ Տակն էլ՝ «շնորհակալություն, Ալեն Սիմոնյան»։ Ասում եմ՝ էս ի՞նչ ես բերել։ Ասում է՝ մի հատ կստորագրե՞ք։ Էդ մարդու վերաբերյալ իմ առաջին տպավորությունը եղել է դա։ Ես էդ թուղթը վերցրի ու ճղեցի»։
