Գետնանուշի կանոնավոր օգտագործումը նպաստում է դեռահասների մոտ վիսցերալ ճարպի նվազեցմանը՝ առանց խիստ դիետաների կամ վարժությունների անհրաժեշտության: Այս եզրակացությանն են հանգել բրազիլացի գիտնականները: Ուսումնասիրության արդյունքները հրապարակվել են «Սննդի հետազոտություն» (NutriRes) ամսագրում:
Փորձին մասնակցել են Ֆորտալեզա քաղաքի 142 գիրացած դպրոցականներ: 12 շաբաթվա ընթացքում մեկ խումբը ամեն օր ուտում էր 30 գրամ տապակած գետնանուշ: Երկու խմբերն էլ ստացել են նաև սննդային խորհուրդներ:
Ուսումնասիրության ավարտին առաջին խմբի դեռահասների մոտ նկատվել է գոտկատեղի շրջագծի և օքսիդատիվ սթրեսի մակարդակի զգալի նվազում՝ մի վիճակ, որը կապված է բորբոքման և բջջային ծերացման հետ: Այնուամենայնիվ, մասնակիցների մարմնի քաշը էականորեն չի փոխվել:
Հեղինակները այս ազդեցությունը վերագրում են գետնանուշի մեջ չհագեցած ճարպերի, մագնեզիումի և հակաօքսիդանտների բարձր պարունակությանը: Մագնեզիումը օգնում է պաշտպանել մկանները, բարելավում է էներգիայի նյութափոխանակությունը և բարձրացնում ֆիզիկական դիմացկունությունը: Մագնեզիումը նաև կարգավորում է արյան մեջ շաքարի մակարդակը՝ բարելավելով բջիջների զգայունությունը ինսուլինի նկատմամբ և նվազեցնելով 2-րդ տիպի շաքարախտի առաջացման ռիսկը:
Չհագեցած ճարպերը և հակաօքսիդանտները նույնպես դեր են խաղում նյութափոխանակության պաշտպանության մեջ՝ իջեցնելով «վատ» խոլեստերինի մակարդակը, բարելավելով անոթային առողջությունը և նորմալացնելով արյան ճնշումը:
Հետազոտողները կարծում են, որ գետնանուշը կարող է մատչելի և բնական միջոց լինել դեռահասների մոտ նյութափոխանակության և սրտանոթային հիվանդությունները կանխելու համար։
Թարգմանությունը՝ Euromedia24.com-ի
