Երգչուհի Լոլիտա Միլյավսկան իր Ինստագրամում խոստովանել է, որ քիչ է մնացել՝ կորցնի իր անձնական տվյալները հեռախոսային խարդախների պատճառով։ Նրա խոսքերով՝ ինքը «առաջին իսկ զանգից խաբվեց»։ Երբ երգչուհին ատամնաբույժի մոտ էր գնում , նրան զանգահարել են խարդախները՝ ներկայանալով որպես բեռնափոխադրող ընկերության աշխատակիցներ։
Քանի որ Լոլիտան իսկապես սպասում էր միկրոֆոնների առաքման, դա նրա մոտ կասկածներ չի առաջացրել, ուստի նա SMS-ի միջոցով ստացած կոդը թելադրել է խաբեբաներին։
«Տվեցի կոդը ու լսեցի այս արտահայտությունը. «Դու, Միլյավսկա, հիմար ես», – պատմել է երգչուհին։
Նա նշել է, որ իր կողքին եղած «խելացի մարդիկ» անմիջապես օգնություն են ցուցաբերել՝ փոխել են գաղտնաբառերը և պաշտպանել նրա տվյալները։ Բացի այդ, դեպքից հետո արտիստը գնացել է մոտակա պետական ծառայությունների կենտրոն և արգելափակել է իր գույքի և վարկերի հետ կապված ֆինանսական գործարքները։
«Մենք բոլորս կարծում ենք, որ խելացի ենք և անթափանցելի։ Ես էլ այդպես էի կարծում»,- եզրափակել է Լոլիտան։
Ավելի վաղ հայտնի էր դարձել խարդախության նոր սխեմայի մասին, որը կապված է զինվորական զորակոչի գրասենյակներից կեղծ զանգերի հետ։
կտիվորեն օգտագործվում են երկու խաբեություններ՝ աշնանային զորակոչի վերաբերյալ զորակոչի տարիքի տղամարդկանց զանգեր և մարտական գործողությունների մասնակիցների հարազատներին զանգեր։
Խարդախները ներկայանում են որպես համապատասխան ծառայությունների աշխատակիցներ և փորձում են մարդկանցից SMS-կոդեր կորզել։
Թարգմանությունը՝ Euromedia24.com-ի
