«Ինտերի» հայ կիսապաշտպան Հենրիխ Մխիթարյանը խոսել է իր ապագայի մասին։
«Ես իմ աշխատանքի մեջ ներդնում եմ կիրք, սիրտ և ամբողջ էներգիաս։ Ես շատ հպարտ եմ իմ կարիերայով։ Միայն հիմա եմ լիովին գիտակցում, թե ինչի եմ հասել։ Ես անում եմ ամեն ինչ՝ լավ ֆիզիկական մարզավիճակ պահպանելու համար։ Մրցաշրջանի ավարտին մոտ կորոշեմ՝ շարունակե՞լ խաղալ, թե՞ ոչ»,- ասել է Մխիթարյանը Sky Sport Italia-ին տված հարցազրույցում։
Հիշեցնենք, որ Մխիթարյանը միացել է «Ինտերին» 2022 թվականի հուլիսի 1-ին։ Նրա գործող պայմանագրի ժամկետը նախատեսված է մինչև 2026 թվականի հունիսի 30-ը։
