Պրոդյուսեր Սերգեյ Դվորցովը NEWS.ru-ի հետ զրույցում հայտնել է, որ ռեփեր Ջիգանի և բլոգեր Օքսանա Սամոյլովայի բաժանության պատճառը նրանում է, որ բլոգերը հոգնել է ամուսնու պահվածքը հանդուրժելուց։
Պրոդյուսերի խոսքերով՝ Սամոյլովան երկար ժամանակ աչք է փակում այն փաստի վրա, որ ամուսինը՝ ընտանիք ունենալով հանդերձ, անընդհատ երևում էր երիտասարդ աղջիկների շրջապատում։
«Նա դադարեց լինել արտիստ և պարզապես դարձավ ինչ-որ սկանդալային տղամարդ։ Կարծում եմ՝ այս ամբողջ ընթացքում նա հանդուրժում էր ամուսնու բոլոր արարքները, որովհետև սիրում էր նրան։ Բայց ամեն ինչի համբերության սահման կա», – ասել է պրոդյուսերը։
NEWS.ru-ն նշում է, որ Սամոյլովայի և Ջիգանի հարաբերություններում խնդիրների առաջին նշաններն ի հայտ են եկել այս տարվա ամռանը․ Voice Influencer Awards մրցանակաբաշխության ժամանակ բլոգերը խոստովանել է, որ զույգը քնում է տարբեր ննջասենյակներում։
Հետագայում աղբյուրները հայտնել են, որ ամուսինները վաղուց էին ապրում «միասին, բայց առանձին» սկզբունքով։ Նման որոշման պատճառներից մեկը նաև Ջիգանի սկանդալային տեսանյութերն էին սոցիալական ցանցերում, որոնք կասկածի տակ էին դնում նրա հավատարմությունը կնոջ նկատմամբ։.
Հոկտեմբերի 9-ին հայտարարվեց, որ Սամոյլովան Ջիգանից ամուսնալուծության հայց է ներկայացրել, դատական հայցը ներկայացվել է հոկտեմբերի 6-ին: Բլոգերն ու ռեփերը դեռևս չեն մեկնաբանել այս տեղեկատվությունը: Զույգն ունի չորս երեխա՝ 14-ամյա Արիելան, 11-ամյա Լեան, ութամյա Մայան և հինգամյա Դեյվիդը:
Թարգմանությունը՝ Euromedia24.com-ի
