Վերջին 24 ժամվա ընթացքում Գազայի հատվածում Իսրայելի կողմից իրականացված օդային հարվածների հետևանքով զոհերի թիվը հասել է 66-ի, ևս 265-ը վիրավորվել են։ Այս թվերը մեջբերված են պաղեստինյան անկլավի առողջապահության նախարարության զեկույցում։
Այնտեղ նշվում է, որ 2023 թվականի հոկտեմբերի 7-ից՝ ռազմական գործողությունների մեկնարկից ի վեր, Իսրայելի հարձակումների հետևանքով զոհվել է 67,074 պաղեստինցի, իսկ ավելի քան 169,000-ը վիրավորվել են։
Տեղի քաղաքացիական պաշտպանության պաշտոնյան Maan-ին հայտնել է, որ հոկտեմբերի 4-ի առավոտյան հարձակման են ենթարկվել Գազայի կենտրոնական մասում գտնվող Նուսեյրաթի փախստականների ճամբարի մարդասիրական օգնության բաշխման կետերը: Նրա խոսքով՝ զոհվել է վեց և վիրավորվել 64 մարդ:
Գազա քաղաքի բնակելի թաղամասերի վրա ուղղված ինտենսիվ կրակի պատճառով փրկարարական խմբերը չեն կարողանում սկսել փլուզված շենքերի ավերակների մաքրումը։
