Թուրքիայի արտաքին գործերի նախարար Հաքան Ֆիդանը հոկտեմբերի 2-ին ԱՄԷ կատարելիք այցի ընթացքում կքննարկի ԱՄՆ նախագահ Դոնալդ Թրամփի՝ Գազայի հատվածում իրավիճակի կարգավորման ծրագիրը։ Այս մասին նախարարի այցից առաջ ՏԱՍՍ-ին հայտնել է Թուրքիայի արտաքին գործերի նախարարության աղբյուրը։
«Արտաքին գործերի նախարար Հաքան Ֆիդանը 2025 թվականի հոկտեմբերի 2-ին կայցելի Արաբական Միացյալ Էմիրություններ։ Ակնկալվում է, որ նա կարտահայտի Թուրքիայի ցանկությունը՝ ԱՄԷ-ի հետ բազմակողմանի համագործակցությունը զարգացնելու վերաբերյալ։
«Նախարարը կքննարկի հրադադարի հասնելու և Գազայի հատվածում խաղաղություն հաստատելու ջանքերը, այդ թվում՝ ԱՄՆ նախագահ Թրամփի կողմից սեպտեմբերի 29-ին հայտարարված ծրագիրը», - ասել է աղբյուրը։
Ֆիդանը նաև մտադիր է ԱՄԷ-ում իր շփումների ժամանակ բարձրացնել սիրիական հարցը։ Աղբյուրի փոխանցմամբ՝ նախարարը «կշեշտի Սիրիայի կառավարությանը աջակցելու կարևորությունը՝ երկրում կայունություն և զարգացում ապահովելու համար»։
