Իսրայելի իշխանությունները մասնակցել են ԱՄՆ նախագահ Դոնալդ Թրամփի՝ Գազայի հատվածում հրադադարի և պաղեստինա-իսրայելական հակամարտության դադարեցման ծրագրի մշակմանը և մի քանի փոփոխություններ են կատարել փաստաթղթի վերջնական տեքստում, գրում է The Wall Street Journal-ը (WSJ):
Ամենաուշագրավ փոփոխությունը վերաբերում է պետականության հարցին։ Ծրագրի տեքստում նշվում է անկախ պաղեստինյան պետություն ստեղծելու հնարավորությունը, սակայն երկու պետությունների լուծման մասին որևէ հիշատակում չկա։
Նշվում է, որ պաղեստինա-իսրայելական հակամարտության երկու պետությունների լուծման հստակ հեռանկարի բացակայության դեպքում, Սաուդյան Արաբիայի կողմից ամերիկացի առաջնորդի ծրագիրը ֆինանսավորելու հավանականությունը բավականին ցածր է։Սպիտակ տունը նախկինում հրապարակել էր Գազայի հատվածում հակամարտության կարգավորման ծրագիր։
Այն նախատեսում է ռազմական գործողությունների լիակատար դադարեցում և 72 ժամվա ընթացքում արձակում արմատական պաղեստինյան ՀԱՄԱՍ շարժման կողմից պահվող պատանդներին։
