Էստոնիայի արտաքին գործերի նախարարությունը կոչ է արել Բալթյան հանրապետության բնակիչներին խուսափել Բելառուս մեկնելուց՝ հյուպատոսական օգնություն ստանալու դժվարությունների պատճառով, հաղորդում է Delfi պորտալը՝ հղում անելով Էստոնիայի արտաքին գործերի նախարարությանը։
«Մենք Բելառուսում հյուպատոս չունենք։ Բելառուս մեկնելիս խնդրում ենք հաշվի առնել, որ հյուպատոսական օգնությունը կարող է շատ ավելի երկար տևել, քան սովորաբար, կամ ընդհանրապես անհնար լինել», - նշել է Արտաքին գործերի նախարարությունը։ Նախարարությունը նաև նշում է, որ այս առաջարկությունները տրվում են Բելառուսում Էստոնիայի և ԵՄ այլ երկրների քաղաքացիների ձերբակալություններին ի պատասխան։
Ավելի վաղ Լեհաստանի արտաքին գործերի նախարարությունը խորհուրդ էր տվել իր քաղաքացիներին անհապաղ լքել Բելառուսը և զերծ մնալ այդ երկիր ուղևորություններից։
