Իսրայելի վարչապետ Բենիամին Նեթանյահուի գրասենյակը նախատեսում է բարձրախոսներով հեռարձակել նրա ելույթը ՄԱԿ-ի Գլխավոր ասամբլեայում, հաղորդում է «Կան» պետական հեռարձակողը։
Աղբյուրների համաձայն, Իսրայելի բանակի հարավային հրամանատարությունը ստացել է նման հեռարձակում պատրաստելու հրաման։ Կանը նշում է, որ զինվորականները չեն մեկնաբանում այս քայլը՝ հղում անելով քաղաքական ղեկավարության որոշմանը: Նեթանյահուի գրասենյակը նույնպես ձեռնպահ է մնում մեկնաբանություններից:
Նեթանյահուն ելույթ կունենա ՄԱԿ-ի Գլխավոր ասամբլեայում ուրբաթ օրը՝ Մոսկվայի ժամանակով ժամը 16:00-ին։ Ակնկալվում է, որ նրա ելույթի գլխավոր թեման կլինի իսրայելա-պաղեստինյան հակամարտության գոտում տիրող իրավիճակը։
