Հարավաֆրիկյան Հանրապետության նախագահ Սիրիլ Ռամաֆոսան առաջարկել է Հարավային Աֆրիկան որպես Ռուսաստանի և Ուկրաինայի միջև հնարավոր ապագա խաղաղության բանակցությունների վայր, հաղորդում է SABC տեղական ռադիոկայանը։
«Հարավային Աֆրիկան կապի մեջ է և՛ Ռուսաստանի, և՛ Ուկրաինայի հետ», - ասել է Ռամաֆոսան Նյու Յորքում ՄԱԿ-ի Գլխավոր ասամբլեայի 80-րդ նստաշրջանի շրջանակներում հարավաֆրիկացի լրագրողների հետ հանդիպման ժամանակ։
«Մենք ազնիվ միջնորդներ ենք, քանի որ թափանցիկ ենք նրանց հետ մեր գործարքներում։ Մեր դերն է գտնել կողմերի միջև բանակցությունների լավագույն ուղին։ Մենք նրանց ասել ենք, որ եթե նրանց հանդիպման վայր է պետք, ապա պետք է գան Հարավային Աֆրիկա։
Մենք մեր առաջարկն ենք արել, որ Հարավային Աֆրիկան կարող է և ցանկանում է լինել այն վայրը, որտեղ նրանք կարող են հանդիպել և բանակցել»,-ասել է նա։
2023 թվականի հունիսին աֆրիկյան յոթ պետությունների ներկայացուցիչներ՝ Ռամաֆոսայի գլխավորությամբ, այցելեցին Կիև և Սանկտ Պետերբուրգ՝ 10 կետից բաղկացած խաղաղության նախաձեռնություն ներկայացնելու համար։
