ԱՄՆ Պետդեպարտամենտը հաստատել է AMRAAM (Advanced Medium-Range Air-Air Missile) օդ-օդ դասի հրթիռների և դրանց հետ կապված սարքավորումների հնարավոր վաճառքը Գերմանիային՝ ընդհանուր առմամբ 1,23 միլիարդ դոլարով: Այս մասին հայտնել է Պենտագոնի անվտանգության համագործակցության գործակալությունը, որը պատասխանատու է միջկառավարական պայմանագրերով արտասահման ռազմական տեխնիկայի և զենքի մատակարարման համար:
Հայտարարության համաձայն՝ Գերմանիայի իշխանությունները նախկինում ԱՄՆ կառավարությունից և կապալառուներից խնդրել էին վերոնշյալ 400 հրթիռ, 12 ուղղորդման համակարգ, ինչպես նաև այլ հարակից սարքավորումներ, ծրագրային ապահովում և հրթիռների սպասարկման օգնություն։
«Գործարքի ընդհանուր արժեքը գնահատվում է 1,23 միլիարդ դոլար», - նշվում է փաստաթղթում։
Հայտարարության մեջ պնդվում է, որ այս զենքի վաճառքը Գերմանիային «կնպաստի ԱՄՆ արտաքին քաղաքականության և ազգային անվտանգության նպատակների իրականացմանը՝ ամրապնդելով ՆԱՏՕ-ի դաշնակցի պաշտպանությունը»։
