Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսսին հայտարարել է ՄԱԿ-ի գլխավոր քարտուղարի պաշտոնում առաջադրվելու իր մտադրության մասին։
Համաշխարհային կազմակերպության ներկայիս ղեկավար Անտոնիո Գուտերեշի լիազորությունները լրանում են 2026 թվականի դեկտեմբերի 31-ին: Նույն թվականին ՄԱԿ-ի Անվտանգության խորհուրդը, ինչպես սպասվում է, կառաջադրի գլխավոր քարտուղարի պաշտոնի թեկնածու, ով, ինչպես սպասվում է, պաշտոնը կստանձնի 2027 թվականի հունվարի 1-ին:
«ՄԱԿ-ը այժմ դժվարին իրավիճակում է։ Ես կարծում եմ, որ հնարավոր է ՄԱԿ-ը դարձնել արդիական։ Եթե դուք ասում եք, որ մտահոգված եք հակամարտությունների աճով, բռնության աճով, ապա որոշ չափով երեսպաշտություն է կենտրոնանալ այլ բաների վրա», - ասել է Գրոսսին Նյու Յորքում ՄԱԿ-ի Գլխավոր ասամբլեայի շրջանակներում Agence France-Presse-ին տված հարցազրույցում։
Այսպիսով, նրա խոսքով, «բոլորը գիտակցում են», որ ՄԱԿ-ը այլևս չի կատարում իր խնդիրը՝ պահպանել խաղաղությունը ամբողջ աշխարհում։
