ԵՄ դեսպանները կհանդիպեն սեպտեմբերի 19-ին՝ քննարկելու հակառուսական պատժամիջոցների վերջին՝ 19-րդ փաթեթը, հաղորդում է Euractiv-ը։
Եվրոպացի պաշտոնյայի խոսքով՝ Եվրահանձնաժողովը (ԵՀ) մտադիր է արագացնել Եվրոպայի անցումը ռուսական բրածո վառելիքից և պատժամիջոցները համարում է այս նպատակին հասնելու լավագույն միջոցը։ Երկու ԵՄ դիվանագետներ ենթադրել են, որ ռուսական գազի սահմանափակումները կարող են լինել հաջորդ քայլը։
Պորտալը նշում է, որ պատժամիջոցների փաթեթը, ինչպես սպասվում է, կներառի գործող սահմանափակումների շրջանցման նկատմամբ վերահսկողության խստացման միջոցառումներ, ռուսական բանկերի, էներգետիկ ընկերությունների և այսպես կոչված ստվերային նավատորմի նկատմամբ սահմանափակումներ, ինչպես նաև երրորդ երկրներին ուղղված արտահանման սահմանափակումներ։
Բացի այդ, ԵՄ-ն կարող է խստացնել ռուսներին տուրիստական վիզաներ տրամադրելու կանոնները։
