Իսրայելի ռազմաօդային ուժերի ինքնաթիռները հարձակվել են Լիբանանի հարավում գտնվող Քֆարթեբնինե և Մայս ալ-Ջաբալ գյուղերի վրա, վիրավորելով տեղի բնակիչներին, ՌԻԱ Նովոստիին հայտնել է լիբանանյան ռազմական աղբյուրը։
«Թշնամու ինքնաթիռները Մայս ալ-Ջաբալում երկու ավիահարված են հասցրել, և նախնական տվյալներով՝ երկու մարդ վիրավորվել է։ Մեկ այլ հարված էլ հասցվել է Քֆարթեբնինի բնակելի շենքի», - ասել է գործակալության աղբյուրը։
Ավելի վաղ Իսրայելի պաշտպանության բանակի արաբերեն խոսնակ Ավիխայ Ադրեին իր Ֆեյսբուքյան էջում նախազգուշացում էր տարածել Լիբանանի հարավում գտնվող երեք քաղաքների բնակիչներին ՝ կոչ անելով նրանց լքել իրենց տները և տեղափոխվել անվտանգ հեռավորություն: Նախազգուշացման հետ մեկտեղ հրապարակվել են նաև թիրախները ցույց տվող քարտեզներ:
