Դանիան առաջին անգամ պլանավորում է ձեռք բերել հեռահարության ճշգրիտ զենքեր՝ արտաքին սպառնալիքները զսպելու համար, հայտարարել է Դանիայի վարչապետ Մետտե Ֆրեդերիկսենը։
«Ռուսաստանը Դանիայի համար սպառնալիք կլինի երկար տարիներ։ Մենք պետք է կարողանանք կանխել Դանիայի և ՆԱՏՕ-ի վրա հարձակումները։ Կառավարությունը հիմնարար որոշում է կայացրել, որ Դանիան առաջին անգամ կզարգացնի ռազմական ուժ՝ հեռահար, ճշգրիտ կառավարվող զենքերով, որոնք կարող են հարվածել մեծ հեռավորությունների վրա գտնվող թիրախներին և չեզոքացնել թշնամու սպառնալիք ներկայացնող արկերը», - ասել է Ֆրեդերիկսենը՝ ըստ TV2-ի կողմից հեռարձակված իր ելույթի մի հատվածի։
Դանիայի պաշտպանության նախարար Տրոելս Լունդ Պոուլսենի խոսքով՝ Կոպենհագենն այժմ անցնում է դանիական պաշտպանության պատմական արդիականացման փուլ։ Նա նշել է, որ նոր զենքի նախատեսված ճշգրիտ քանակը, ինչպես նաև կոնկրետ տեսակը դեռևս որոշված չեն։
