Գերմանիայի կանցլեր Ֆրիդրիխ Մերցը կրկին կարծիք է հայտնել, որ Ուկրաինայում հակամարտությունը կարող է երկար ժամանակ շարունակվել, և որ Գերմանիան չի ընդունում պարտադրված խաղաղությունը։
«Մենք ուզում ենք, որ այս պատերազմն ավարտվի, բայց, միևնույն ժամանակ, պետք է վախենանք, որ այն երկար ժամանակ կշարունակվի», - ասել է նա՝ ելույթ ունենալով Բունդեսթագում՝ ընթացիկ տարվա պետական բյուջեի վերաբերյալ քննարկումների ժամանակ։
«Սակայն դրա ավարտը Ուկրաինայի քաղաքական ինքնիշխանության և տարածքային ամբողջականության հաշվին մեզ մոտ չի քննարկվում», - պնդել է Մերցը։
Նրա խոսքով՝ հակամարտության հետևանքները «վաղուց են զգացվել ԵՄ-ի և ՆԱՏՕ-ի անդամ երկրներում»։ «Դա շատ կոնկրետ ազդեցություն ունի մեր կյանքի վրա», - հավելել է կանցլերը։
Ռուսական կողմը բազմիցս հայտարարել է, որ Մոսկվան պատրաստ է լուծել ուկրաինական հակամարտությունը բանակցությունների միջոցով, սակայն Կիևը դանդաղեցնում է գործընթացը, իսկ եվրոպացիները միջամտում են։
