Էկվադորի Կուենկա քաղաքում ոսկու արդյունահանման նախագծի դեմ բողոքի ցույց է անցկացրել ավելի քան 90,000 մարդ, հայտնել է քաղաքապետ Քրիստիան Սամորան։«Ավելի քան 90,000 մարդ բարձրաձայն և հստակ արտահայտվել է։ Մենք ցնցված ենք քաղաքի արձագանքից, որը պաշտպանում է մեր նախնիների հողը», – գրել է նա X-ում։
Բողոքի ակցիայի մասնակիցները կարծում են, որ 580,000 բնակչություն ունեցող Կուենկայից հարավ-արևելք ոսկու արդյունահանման նախագիծը կաղտոտի ջրային ռեսուրսները: Սամորան հայտարարել է տարածաշրջանային խորհրդին սեպտեմբերի 16-ը ջրերի և տեղական պարամո էկոհամակարգի պաշտպանության օր հռչակելու առաջարկ ներկայացնելու մտադրության մասին:Լոմա Լարգա հանքավայրը գտնվում է Կուենկայից 30 կիլոմետր հեռավորության վրա:
Կանադական Dundee Precious Metals ընկերությունը, որը տիրապետում է դրա մշակման իրավունքին, հուլիսին հայտարարել է, որ ստացել է բնապահպանական լիցենզիա: Հանքի շինարարությունը նախատեսվում է սկսել այս տարվա վերջին:
