Ղազախստանում ուժի մեջ են մտել հարսնացուի առևանգման և հարկադիր ամուսնության համար քրեական պատասխանատվություն նախատեսող օրենսդրության փոփոխությունները: Այս մասին հայտնել է Հանրապետության Ներքին գործերի նախարարության մամուլի ծառայությունը:
«Քրեական օրենսգրքում ավելացվել է նոր՝ 125-1 հոդված՝ «Ամուսնության հարկադրելը»։ Այս արարքն այժմ ճանաչվում է որպես քրեական հանցագործություն։ Ամուսնության հարկադրելու համար պատիժը սահմանվում է տուգանքի, ուղղիչ կամ հասարակական աշխատանքների, սահմանափակման կամ ազատազրկման տեսքով», - ասվում է հայտարարության մեջ։
Պատիժը կախված է հանցագործության հանգամանքներից և կարող է ներառել մինչև 2000 ամսական հաշվարկային ինդեքսի չափով տուգանք (ավելի քան 14,500 դոլար) և մինչև երկու տարի ազատազրկում։
«Պատժամիջոցը հինգից տասը տարի ժամկետով ազատազրկում է, եթե գործողությունները անփութության հետևանքով առաջացրել են ծանր հետևանքներ։ Ավելի խիստ պատիժ է սպառնում այն դեպքերում, երբ հարկադրանքը զուգորդվում է բռնությամբ, կատարվում է անչափահասների նկատմամբ, կախվածության օգտագործմամբ, մի խումբ անձանց կողմից կամ պաշտոնական դիրքի օգտագործմամբ», - պարզաբանել է մամուլի ծառայությունը։
