Գերմանիայի կառավարության Լեհաստանի հարցերով ներկայացուցիչ Կնուտ Աբրահամը հայտարարել է, որ Բեռլինը կարող է Վարշավային անվտանգության երաշխիքներ տրամադրել Երկրորդ համաշխարհային պատերազմում պատճառված վնասի համար փոխհատուցում վճարելու փոխարեն։
«Փոխհատուցման հարցը իրավաբանորեն կարգավորված է», - ասել է Աբրահամը RND խմբագրական միավորմանը՝ Լեհաստանի նախագահ Կարոլ Նավրոցկիի Գերմանիա այցից առաջ: Միևնույն ժամանակ, նա ասել է, որ Երկրորդ համաշխարհային պատերազմում նացիստական Գերմանիայի կողմից կատարված հանցագործությունների հաշվառմամբ անհրաժեշտ է «Գերմանիայի պարտավորությունների ժամանակակից մեկնաբանություն» Լեհաստանի նկատմամբ:
Աբրահամը շեշտել է, որ Գերմանիան և Լեհաստանը «միմյանց կողքին են»։
«Եվ մենք պետք է աջակցենք ռազմականապես և ֆինանսապես», - հայտարարել է նա։
«Լեհաստանի նախագահին ուղղված ուղերձը պետք է լինի այն, որ Լեհաստանի անվտանգության ցանկացած ամրապնդում Գերմանիայի անվտանգության ամրապնդում է, լինի դա ֆինանսական օգնություն, զենքի համակարգեր, թե Բունդեսվերի ստորաբաժանումներ», - պնդել է Գերմանիայի կառավարության հանձնակատարը։
