Աջակողմյան ակտիվիստ Թոմմի Ռոբինսոնի ակցիայի մասնակիցները գրավել են Նելսոնի սյունասեղանի պատվանդանը Լոնդոնի կենտրոնում՝ Տրաֆալգարյան հրապարակում, փոխանցում է ՌԻԱ Նովոստիի թղթակիցը։
Ավելի վաղ ձիավոր և հետևակային ոստիկանները արգելափակել էին մի խումբ ցուցարարների՝ զերծ պահելով նրանց Վայթհոլլի կառավարական թաղամաս մուտք գործելուց, պահելով նրանց Տրաֆալգարյան հրապարակում։
Արգելափակված մասնակիցները գրավել են Նելսոնի սյունասեղանի պատվանդանը, երգում են «We Will Rock You» երգը և վանկարկում «Թոմմի, Թոմմի»։
Թոմմի Ռոբինսոնի կողմից կազմակերպված «Միավորենք թագավորությունը» կոչվող ակցիայի մասնակիցները շաբաթ առավոտյան հավաքվել են Ռասսել Սքուեր հրապարակում և այնտեղից շարժվել դեպի կառավարական Վայթհոլլ թաղամաս։ Շատերը իրենց հետ տարել էին Անգլիայի Սուրբ Գևորգի խաչով դրոշը և «Յունիոն Ջեք»-ը։ Ցուցարարները վանկարկում էին կարգախոսներ ընդդեմ վարչապետ Քիր Ստարմերի։ Նրանք քննադատում էին կառավարության միգրացիոն քաղաքականությունը և այն, ինչ իրենք համարում են խոսքի ազատության սահմանափակում։
Ռոբինսոն հայտարարել է, որ ցույցին մասնակցել են միլիոնավոր մարդիկ և հրապարակել է օդից նկարահանված տեսանյութեր, որտեղ երևում են մարդկանցով լեցուն փողոցներ։ Սակայն Լոնդոնի ոստիկանությունը Guardian պարբերականին հայտնել է մոտավորապես 110 հազար ցուցարարների մասին։
Թարգմանությունը՝ Euromedia24.com-ի
