Դեսպանությունում հրաժեշտ են տվել Լիլիթ Մակունցին

23.08 19:43 | Կատեգորիա Քաղաքական

ԱՄՆ-ում ՀՀ դեսպանությունում տեղի է ունեցել հրաժեշտի ընդունելություն՝ ԱՄՆ-ում ՀՀ դեսպան Լիլիթ Մակունցի պատվին՝ վերջինիս պաշտոնավարման ավարտի կապակցությամբ։ Միջոցառմանը ներկա էին ԱՄՆ բարձրաստիճան պաշտոնյաներ, Կանզասի Ազգային գվարդիայի և երկկուսակցական առաջատար վերլուծական կենտրոնների ներկայացուցիչներ, ԱՄՆ-ում ՀՀ պատվո հյուպատոսները, ինչպես նաև ԱՄՆ-ում հայ համայնքի ներկայացուցիչներ։

Իր հրաժեշտի խոսքում, անդրադառնալով իր չորս տարվա պաշտոնավարմանը, դեսպան Մակունցը հայտնել է իր խորը երախտագիտությունը։ Նա ընդգծել է օգոստոսի 8-ին Վաշինգտոնում Հայաստանի և Ադրբեջանի միջև պատմական խաղաղության համաձայնագրի նախաստորագրումը՝ որպես նախագահ Դոնալդ Թրամփի միջնորդությամբ կյանքի կոչված կարևորագույն իրադարձություն։ Մակունցը նշել է, որ երկու երկրների միջև հարաբերությունների հետագա ընթացքի և կայունության առանցքային տարր է հայ-ամերիկյան հարաբերությունների անցումը ռազմավարական գործընկերության մակարդակի։

Դեսպանն իր անկեղծ երախտագիտությունն է հայտնել Միացյալ Նահանգներին և իր բոլոր գործընկերներին՝ շարունակական աջակցության համար, վերահաստատել հայ-ամերիկյան կապերի ամրությունը՝ հիմնված ժողովրդավարական ընդհանուր արժեքների վրա, կարևորել հայ համայնքի ներդրումը տասնամյակների ընթացքում։

Դեսպանը նաև իր խորին շնորհակալությունն է հայտնել դեսպանության անձնակազմին՝ իրենց ծառայության և նվիրվածության համար, ինչպես նաև իր ընտանիքին՝ իր ծառայության ողջ ընթացքում ցուցաբերած անսասան աջակցության համար։

Երեկոն ամփոփվել է խորհրդանշական պահով. դեսպան Մակունցը Կանզասի ազգային գվարդիայի կողմից պարգևատրվել է «Գերազանցության մեդալով»՝ ի նշան իր չորս տարվա անբասիր ծառայության և Հայաստանի Հանրապետության և Կանզասի ազգային գվարդիայի միջև երկկողմ անվտանգային համագործակցության մեջ ունեցած նշանակալի ներդրման։

Ամենաշատ կարդացվածներ

Կյանքից հեռացել է Ուիգմոր Քլինիքի ստացիոնար ընդունումների համակարգող բուժքույր Լիանա Կիրակոսյանը

21.08 01:26 | Կատեգորիա Հասարակություն

Սրբազանների գործը «տուշոնկա 2» օպերացիան է․ Նաիրա Զոհրաբյան (տեսանյութ)

21.08 22:00 | Կատեգորիա Քաղաքական

Փաշինյանը պատերազմի սիմվոլ է, նա չի կարող խաղաղություն բերել. Ավետիք Չալաբյան (տեսանյութ)

21.08 21:30 | Կատեգորիա Քաղաքական

Երիտասարդը ԱԺ ամառային դպրոցից հեռացվել է ֆեյսբուքյան գրառման համար

21.08 21:51 | Կատեգորիա Մտքեր

Իմ հայացքները հակաիշխանական չեն, իշխանությունն է հակահայկական. Վահագն Չախալյան (տեսանյութ)

21.08 20:50 | Կատեգորիա Քաղաքական

Վայ նրանց, ովքեր չհավատացին, ովքեր հեռացան կամ իրենց հեռու պահեցին․ ԴՕԿ Կուսակցություն

22.08 00:34 | Կատեգորիա Մտքեր

Ոմանք իրենց դրել են ալպիական մանուշակի վրա քնած բզեզի տեղ. հով լռված՝ ընտրությունների են պատրաստվում. Մարգարիտ Եսայան (տեսանյութ)

22.08 20:45 | Կատեգորիա Քաղաքական

Խնջույքի ժամանակ ծագած վիճաբանությունն ավարտվել է կրակոցներով․ կա զոհ

21.08 18:03 | Կատեգորիա Պատահարներ

Աբրահամ Ռուսոյի մահափորձի գործով մեղադրյալն անմեղ է ճանաչվել

21.08 23:39 | Կատեգորիա Ժամանց

ՈՒՂԻՂ

Սիրիայի ԱԳՆ-ն հերքել է Իսրայելի հետ անվտանգության համաձայնագիր ստորագրելու ծրագրերի մասին լուրերը