Ֆինլանդիայի նախագահ Ալեքսանդր Ստուբը հայտարարել է, որ հաճախ է նամակագրվում կամ զանգահարում ԱՄՆ նախագահ Դոնալդ Թրամփին։
«Իմ կողմից, Թրամփի հետ կապված, ամեն ինչ, հավանաբար, սկսվել է գոլֆի այդ խաղից, որը կազմակերպել էր Հարավային Կարոլինայից սենատոր Լինդսի Գրեհեմը։
Ինքս մոտ չորս տարի՝ 1989-ից 1993 թվականներին, սովորել եմ Հարավային Կարոլինայում, իսկ Լինդսի Գրեհեմը Ֆինլանդիա է եկել անցյալ ամռանը՝ ԱՄՆ ընտրություններից առաջ, և այդ ժամանակից ի վեր մենք ամենօրյա կապի մեջ ենք։ Դա մի տեսակ պատահականությունների շարք էր, և այդ ժամանակից ի վեր մենք շատ
ժամանակ ենք անցկացրել նախագահ Թրամփի հետ՝ կամ հեռախոսով, կամ գրավոր», - ասել է Ստուբը Yle հեռուստաալիքին։
Նրա խոսքով՝ Թրամփի հետ իրենց վերջին հեռախոսազրույցը տեղի է ունեցել հինգշաբթիից ուրբաթ ընկած ժամանակահատվածում։
