Հարավային Կորեայի նախագահ Լի Չժե Մյունը և Ճապոնիայի վարչապետ Շիգերու Իշիբան կողմ են իրենց ընդհանուր դաշնակցի՝ Միացյալ Նահանգների հետ երկկողմ կապերի և համագործակցության ամրապնդմանը, ինչպես նաև ԿԺԴՀ-ի լիակատար ապամիջուկայնացմանը։ Այս մասին նրանք լրագրողներին հայտնել են Տոկիոյում գտնվող Ճապոնիայի կառավարության ղեկավարի նստավայրում՝ այնտեղ երկկողմ բանակցություններից հետո։
«Աշխարհում ստեղծված ներկայիս դժվարին իրավիճակում», - ասել է Իշիբան, «մեր հարաբերությունների կայուն զարգացումը համապատասխանում է երկու երկրների շահերին և օգուտ է բերում ամբողջ տարածաշրջանին։ Այս պայմաններում Ճապոնիայի, Կորեայի Հանրապետության և Միացյալ Նահանգների միջև համագործակցության ամրապնդումը չափազանց կարևոր է»։ Ճապոնիայի վարչապետը կողմ է արտահայտվել Տոկիոյի և Սեուլի միջև ռազմավարական երկխոսությանը և ԿԺԴՀ-ի «լիակատար ապամիջուկայնացմանը»։
Կորեայի Հանրապետության նախագահը, իր հերթին, նույնպես ընդգծել է «Կորեական թերակղզու լիակատար ապամիջուկայնացման, երկու երկրների միջև անսասան հարաբերությունների ամրապնդման և Միացյալ Նահանգների հետ նրանց համագործակցության» կարևորությունը։
