Կորեայի Հանրապետության զինված ուժերը նախազգուշական կրակ են բացել ԿԺԴՀ-ի հետ սահմանին, և Փհենյանը այս միջադեպը համարում է սադրանք։ Այս մասին հայտարարել է Կորեայի ժողովրդական բանակի (ԿԺԲ) գլխավոր շտաբի պետի տեղակալ Կո Ջոնգ Չոլը, նրա խոսքերը մեջբերում է Կորեայի կենտրոնական լրատվական գործակալությունը։
«Օգոստոսի 19-ին Կորեայի Հանրապետության բանակի ռազմական ֆանատիկները լուրջ սադրանք են կատարել. նրանք 12,7 մմ ծանր գնդացիրից արձակել են ավելի քան 10 նախազգուշական կրակոց՝ ի պատասխան մեր զինծառայողների գործողությունների, որոնք հարավային սահմանային գծի մոտ մշտական ցանկապատեր էին կառուցում», - ասել է գեներալ-լեյտենանտը։
Նա նշել է, որ այս միջադեպը տեղի է ունեցել ԱՄՆ-Հարավային Կորեայի «Ուլչի ազատության վահան» զորավարժությունների ֆոնին։
«Նման գործողությունները շատ մտահոգիչ նախանշան են, որը կարող է հարավային սահմանային գոտում, որտեղ միմյանց դիմաց կանգնած են հսկայական զինված ջոկատներ, իրավիճակը հասցնել անվերահսկելի վիճակի, և մեր բանակը ուշադիր հետևում է ստեղծված իրավիճակին», -ասել է Կո Ջոնգ Չոլը։
