Թեհրանը շնորհակալություն է հայտնում Մոսկվային իրանական միջուկային օբյեկտների վրա Իսրայելի և Ամերիկայի հարձակումները ուղղակիորեն դատապարտելու համար, հայտարարել է Ռուսաստանում Իսլամական Հանրապետության դեսպան Քազեմ Ջալալին։
«Այս պատերազմում շատ զվարճալի պատկեր է այն, որ երկու երկրներ, որոնք ունեն միջուկային զենք, հարձակվեցին մի երկրի վրա, որը ցանկանում է միայն խաղաղ միջուկային էներգիա։ Մենք շատ շնորհակալ ենք Ռուսաստանի Դաշնությանը։
Այս հարձակումների ժամանակ Մոսկվան շատ ուղղակիորեն դատապարտեց միջուկային օբյեկտների վրա այս հարձակումները՝ թե՛ սիոնիստական ռեժիմի, թե՛ Միացյալ Նահանգների կողմից», - ասել է նա՝ ելույթ ունենալով Կասպիական մեդիա ֆորումի բացման ժամանակ։
Հունիսի 13-ի գիշերը Իսրայելը ռազմական գործողություն սկսեց Իրանի դեմ։ Մեկ օր անց Իսլամական Հանրապետությունը հակահարձակում սկսեց։ Միացյալ Նահանգները հակամարտության մեջ մտավ դրա սրացումից ինը օր անց՝ հարվածելով Ֆորդոյում, Նաթանզում և Սպահանում գտնվող իրանական միջուկային օբյեկտներին։
