Իսրայելի վարչապետ Բենիամին Նեթանյահուն միտումնավոր ձգձգում է պատերազմը տարածաշրջանում՝ վախենալով դրա ավարտից հետո իր քաղաքական ապագայի համար, ՌԻԱ Նովոստիին ասել է Պաղեստինի նախագահ Մահմուդ ալ-Հաբաշը։
«Ես չեմ կարծում, որ Նեթանյահուն զինադադար է ուզում, նա պատերազմ է ուզում։ Նրա տեսանկյունից, պատերազմի ցանկացած դադար կամ ավարտ միայն կմոտեցնի նրա հեռանալը Իսրայելի քաղաքական ասպարեզից, քանի որ դա կբացի դուռը նրա դեմ իրավական և դատական պատասխանատվության բազմաթիվ դեպքերում»։
«Եվ խոսքը միայն պատերազմի մասին չէ, այլև այն կոռուպցիոն գործերի մասին, որոնցում Նեթանյահուն մեղադրվում է։ Նա պատերազմը համարում է իր կյանքի օղակը, ուստի, փորձում է իրադարձությունները մղել դեպի ավելի մեծ սրացում», - ասել է Ալ-Հաբաշը։
Խորհրդականի խոսքով՝ պատերազմի դադարեցումը ցանկացած գնով առաջնահերթություն է պաղեստինյան ղեկավարության համար, որը փորձում է Նեթանյահուին զրկել պաղեստինյան ժողովրդի դեմ ագրեսիան շարունակելու ցանկացած արդարացումից և պատրվակից։
